დღეს ჩვენმა სკოლამ მრგვალ ბაღში მოაწყო ტრადიციული საშობაო საქველმოქმედო აქცია. , წლევანდელ წელს აქციის ორგანიზებაში აქტიურად ჩაება მოსწავლეთა თვითმმართველობის სენატი და მათივე ინიციატივით ვეხმარებით მოხუცთა თავშესაფარ “კათარზისს”.

წელსაც ამ სასიკეთო საქმეში შემოგვიერთდა ჩვენი პარტნიორი გერმანული სკოლა ქალაქ ვუპერტალიდან.

დღევანდელი დღე ჩვენი სკოლის დაწყებითი კლასის მოსწავლეებმა სხვადასხვა აქტივობით გაგვილამაზეს. მოაწყვეს თავიანთი ხელნაკეთი ნივთებისა და ნახატების გამოფენა-გაყიდვა. ხოლო უფროსკლასელებმა სტუმრებს შესთავაზეს მათ მიერ დამზადებული ტკბილეულობა, ცხელი სასმელები… დღევანდელი დღე შედგა! ჩვენ ერთად კიდევ ერთხელ გავიაზრეთ, ადამიანად ყოფნის პასუხისმგებლობა!